Бұл оқиға бір жыл бұрын басталған еді. 2019 жылғы 8 қыркүйекте Брунсвик портынан шығар кезде Таяу Шығысқа бет алған Golden Ray өртеніп, жағаға шығуға мәжбүр болды. Ол суға батып кеткенде сақтандырушылардан басқа ешкім еске алмас еді. Алайда көк түсті алып кеме жағалаудың сәнін бұзғанымен қоймай, басқа су көліктерінің қозғалысына кедергі келтірді. Сол себепті мамандар оны жоюды жөн көрді.
Процесс өткен аптаның аяғында басталды. Арнайы техника кемені ішіндегі машиналармен бірге шұжық кескендей етіп бөлшектеп жатыр.
Golden Ray сегізге бөлінді, әр бөлік утильге кетеді. Бұл оңай іс емес екені анық: гүрсілдеген дыбыстар елдің тынышын алса, ара сынып, жұмыс қарқынын бәсеңдеткен, оған қоса мұны қызық көрген кейбір тұрғындар дрон жіберіп, мамандардың мазасын алып жатыр екен.
Комментариев: 0