Еpetition. kz сайтында жарияланған құжатқа әзірше 1200 адам қол қойған.
«Рұқсат құжаттарға өзгеріс енгізіп, автомобильдің алдыңғы бүйірлік әйнегі мен алдыңғы әйнегін атермалық (ішкі жағы мөлдір болып тұратын) қабықшамен күңгірттеуге рұқсат беруді сұраймыз. Көп елде автомобильдің интерьерін сәндеп, жүргізуші мен жолаушылардың денсаулығын сақтау үшін алдыңғы бүйірлік әйнекті күңгірттеуге рұқсат берілген. Біз, ел азаматтары автомобиль әйнегін қараңғылауға рұқсат алу үшін сақтандырудың қымбаттауына (100$-ға дейін) және мемлекет бюджетіне ойға қонымды мөлшерде баж салығын төлеуге дайынбыз», — дейді Александр К.
«Біз, ел азаматтары автомобиль әйнегін қараңғылауға рұқсат алу үшін сақтандырудың қымбаттауына дайынбыз» деген сөзімен автор тым жалпылап жіберген сияқты, өйткені бұған дейін ешкім бұлай өтініш жасаған емес.
Дегенмен, көлік иелері полициядан әйнек күңгірттеуге бірінші рет рұқсат сұрап отырған жоқ. Алайда тәртіп сақшылары тыйымның күшін жоюға асықпайды. Олар бұл шешімін алдыңғы әйнектегі қабықша көру мүмкіндігін шектеп, апатқа әкеледі деп түсіндірді.
Егер петицияға 50 мың адам қол қойса, ІІМ оны қарауға мәжбүр болады.
Қазірше алдыңғы әйнекті қараңғылауға ақылы түрде рұқсат берген елдер қатарында Өзбекстан мен Қырғызстан бар.
Ал біздің елде мұндай әрекет үшін азамат 5 АЕК (18 460 теңге) айыппұл төлейді.
Осындай сұрақ туған екен, оқырман, алдыңғы әйнекті күңгірттеу үшін ақы төлеуге дайынсыз ба? Пікір жазыңыз.
Комментариев: 0