Аталған оқиғаның бейнежазбасы әлеуметтік желіде 2 тамызда жарияланды. Қара түсті Prado Алматы көшелерінің бірімен жүріп келе жатып, шомылатын киім киген қыздар бейнеленген ролик көрсеткен.
«Кино көрсеткіш» анықталып (көлік нөмірін жасырған жоқ), дереу ұсталды. Алматы қалалық полиция департаменті бастығының тергеу ісі жөніндегі орынбасары Рустам Әбдірахмановтың айтуынша, 1980 жылы туған Нурутдинов Д. Р. есімді азамат ұсталды.
Жүргізуші Әкімшілік кодекстің 590-бабы, 5-бөлігі бойынша (техникалық регламенттердің, стандарттардың талабына сай келмейтін, сондай-ақ көлік құралын пайдалануға тыйым салынатын ақаулар немесе жағдайлар бар көлік құралын басқару) жауапқа тартылды. Ол 5 АЕК айыппұл төлейді.
Комментариев: 0