Kolesa.kz порталында 1997 жылғы жетінші сериялы BMW-ның ерекше түрленімі сатуға қойылды. Төрт есікті ақ көліктің әдеттегі E38-ден айтарлықтай үлкен екенін бір қарап білуге болады. Модельдің бұл түрі L7 деп аталады. Ол 1997–2001 жылдар аралығында шыққан, Таяу Шығыста, Оңтүстік-Шығыс Азияда және Еуропаның кейбір елінде ғана сатылды. L7-нің 899 данасы ғана жарық көрген.
L7-ні өлшеміне қарап оңай тануға болады. Лимузиннің дөңгелек базасы негізгі «жетіліктен» 250 мм-ге ұзын. Жалпы ұзындығы — 5.4 метр. Қосымша орын артқы жолаушыларға арналған. Артта электрлі реттелетін және жылытуға болатын бөлек орындықтар бар, одан бөлек жеке климат-бақылау және бейнемагнитофоны бар теледидар орнатылған. Соңғысы жүргізуші орындығының артқы жағында жасырын тұр.
L7 моделі 750iL-ге негізделген, сондықтан ол 322 ат күші мен 490 Нм момент беретін 5.4 литрлік
Суреттен машинаның өте жақсы сақталғанын көруге болады. 25 жылда 106 мың шақырым жол жүрген. Сатушының айтуынша көлік Жапониядан Арменияға жеткізіліп, сол елде тіркеліпті, кейін Алматыға келген. Иесі неміс лимузинін шетелде тіркелгеніне қармастан 19.5 млн теңгеге бағалап отыр.
Комментариев: 0