Kolesa.kz-те классикалық Dodge Charger сатылады

Kolesa.kz-те біздің өңірде сирек кездесетін ерекше автомобильдің хабарландыруы жарияланды. Бұл — 1974 жылғы классикалық Dodge Charger маслкары. Алматыда тұрған купе үшін иесі 81.3 млн теңге сұрап отыр.

Хабарландыру авторы екі есікті көліктің жағдайы жақсы әрі күтіп ұсталған деп жазыпты. Charger-дің шанағы түзу, сырт келбеті түпнұсқа стильде сақталған және салоны өзгермеген.

1 / 9

• 
• 
• 
• 
• 
• 
• 
• 
• 

1 / 9

Charger-дің үшінші буыны 5.2-7.2 литрлік бірнеше V8-бен жабдықталады. Базалық нұсқасы 3.7 литрлік алты цилиндрлі мотормен жүрген. Саудаға шыққан экземплярда 5.2 литрлік V8 тұр. Жаңа кезінде мұндай карбюраторлы агрегат небәрі 152 ат күші мен 346 Нм момент берген. Қозғалтқыш 3 сатылы автоматпен жұптаса жұмыс істейді.

Анықтама ретінде: Dodge Charger-дің үшінші буыны модельдің классикалық топтамасындағы соңғы нағыз маслкар. Марка төртінші буынның сырт пішінін түбегейлі өзгертіп, премиум купе жасады, ал бесінші буын алдыңғы жетекті субкомпакт хетчбэкке айналды. Бренд модельді 2006 жылы седан ретінде ұсынғанда ғана қуатты V8-ді қайта орнатты. Қазір Charger купе не лифтбэк шанағымен шығады. Оның 6 цилиндрлі турбомотормен жүретін және толығымен электрлі түрлері бар.