Land Rover туралы сөз қозғалса, классикалық Defender не ескі Discovery ойымызға түседі. Тұманды Альбионнан шыққан өндіруші жол талғамайтын көліктен бөлек әскерге жіберетін, қарапайым халықтың қолына түспейтін капоты жоқ жүк көлігін де шығарған. Солардың бірі — Land Rover 101 Forward Control. Ол Kolesa.kz-те сатылады.
101FC индексі дөңгелек базасы 101 дюйм (2565 мм) дегенді білдіреді. Модельді әзірлеу жұмысы 1967 жылдан басталды, ал өндірісі 1972-1978 жылдар аралығында жалғасты. Солихаллдағы зауыттан рөлі оң не сол жақта орналасқан 2669 көлік бірнеше шанақ түрімен шыққан. 101FC Ұлыбританияда 1990 жылдардың соңына дейін қызмет етті.
Автомобильдің концепциясы 1960 жылдың ортасында шыққан толық жетекті ГАЗ-66-ға ұқсайды. Бірақ cәл қысқа: ГАЗ 5.6 метр болса, «101-дің» ұзындығы — 4.33.
Машина 3.5 литрлік бензинді V8 Rover-мен жүреді. Агрегат 120 ат күшін береді, көлік сағатына 125 шақырымды еңсереді. Қозғалтқыш механикалық беріліс қорабы және қуатталатын дифференциалы бар толық жетекпен жұптасып жұмыс істейді.
Хабарландыруда интерьер фотосы жоқ, бірақ желідегі суреттерден 101FC салоны қарапайым екенін көруге болады
Қазақстандағы 101FC тарихы туралы хабарландыру авторы жазбаған. Суреттен алғашқыда машинаны тенті бар борттық жүк көлігі ретінде қолданғанын байқауға болады. Бірақ қазір «101-дің» төбесін бұдырлы алюминиймен жапқан. Автомобильді кемперге айналдыруға болады. Мәтінде шанағы туралы ешқандай мәлімет жоқ.
Ерекше Land Rover-дің құны — 4.5 млн теңге, көлік қазір Шымкентте тұр.
Комментариев: 0