Көкшетауда жүзден аса жүк көлігі заңсыз тіркелген

Арнайы ХҚКО-ның бір топ қызметкері жүк көліктері есебінен екі жыл бойы заңсыз ақша тауып келген. ҚР қаржы мониторингі агенттігі Көкшетау қаласындағы арнайы орталық мамандары Еуропадан келген 100-ден аса көлікті тіркеу үшін жалған төлем тапсырмасын бергенін анықтаған.

«Қылмыстық әрекет нәтижесінде мемлекетке 700 миллионнан аса шығын келді. Аталған факті бойынша сотқа дейінгі тергеу жұмыстары басталып, сот шешімімен күдіктілер қамалды. Қылмыстық-процестік кодекстің 201-бабына сәйкес өзге ақпаратты жария етуге тыйым салынған », — деді агенттік өкілдері.