Evoluto Automobili ательесі 1990 жылдардың екінші жартысында шыққан Ferrari F355 суперкарын кешенді жақсарту бағдарламасын ұсынды. Негізі тюнинг ауқымды, бірақ егжей-тегжейлі жақсарту жасалғандықтан оны рестомод деуге болады. Шанағы, интерьері, аспасы және қозғалтқышы жаңа небәрі 55 автомобиль жиналады.
Компания классикалық суперкарды толық өзгертіп, оны заманауи жайлылық пен басқару деңгейіне шығарады. Мысалы, шанағы карбоннан жасалса да, әйгілі дизайнер Иэн Калламның арқасында Ferrari F355 сырт келбеті өзгермеді, бірақ салмағы азайды, аэродинамикасы жақсарды. Салоны жаңа орындықтармен жабдықталды және тапсырыс беруші әрлеу материалын таңдай алады.
Шасси қаттылығы жаңа композит материал мен зауыттық элементтердің беріктігін арттырудың арқасында артты, бұралу кезіндегі қаттылығы 23 % өсті. Барлық электр жүйесі ауысты. Жүріс бөлігінде 19 дюймдік дискілер және 6 поршенді суппорттары бар Brembo тежеуіші пайда болды (қосымша ақыға карбон-керамика дискілер орнатуға болады).
3.5 литрлік V8 қозғалтқышы техникалық жағынан өзгермеді. Алайда мамандар қозғалтқышты толықтай қайта құрастырды. Оталдыру жүйесі, клапандар және үлестіруші білік сияқты екі жүзге жуық жаңа немесе модернизациядан өткен компоненттер ауысты. Газ шығару жүйесі титаннан жасалды. Түпнұсқа Ferrari F355-тің қозғалтқышы 380 ат күшін беретін, Evoluto нұсқасында қуаты 420 ат күшіне артты. Мотор күшейген 6 сатылы механикамен жұптасқан. Динамикалық сипаттамасы белгісіз, бірақ түпнұсқа модель алғашқы жүздікті 4.7 секундта еңсеретін, максимал жылдамдығы — 295 км/сағ. Рестомод жылдамырақ болуы керек.
Құны айтылмады, бірақ Evoluto Automobili тек тапсырыс берушілердің машинасымен жұмыс істейтіні белгілі.
Комментариев: 0