CarNewsChina басылымы хабарлағандай, Қытайдың Weibo әлеуметтік желісінде жүргізушінің жағдайын бақылайтын Driver Monitoring System (DMS) жүйесінің дұрыс жұмыс істемейтіні қатты талқыланып жатыр. Жүйе жергілікті жүргізушілердің кішкене (қысық) көзін рөлде ұйықтап қалды деп қабылдайтын көрінеді.
Бұл мәселені алғаш боп автоблогер әрі қытайлық XPeng P7 көлігінің иесі көтерді. Ер адамның айтуынша, көлігінегі DMS жартылай автономды басқару жүйесі қосылған кезде оның назары басқа жаққа ауғаны немесе рөлде ұйықтап қалғаны туралы үнемі ескерту жасайды екен. Өзге де қытайлық жүргізушілер осындай мәселеге тап болғанын айтады. Қытайда жүргізушінің жағдайын бақылайтын жүйе орнатылған көлік саны жарты миллионнан асып кеткенін ескерсек, бұл таңғалатын жағдай емес.
XPeng басшылары бұл мәселе туралы хабардар болды. Компания өкілдері бағдарламалық жасақтаманы жаңартқан кезде жүйе жұмысын реттеуге уәде берді.
Комментариев: 0