Биыл Солтүстік Корея басшысы екі Aurus Senat-ты сыйға алды. Ким Чен Ын брондалған лимузинді бірінші рет Ресейге барғанда алса, екіншісін Владимир Путин Солтүстік Кореяға ресми сапары кезінде сыйлады.
Motor.ru хабарлағандай, Ким Чен Ын «Аурусты» біраз уақыт қолданып, Mercedes-Benz-ке оралған. Ол су тасқынынан зардап шеккен аймақтарға сапары кезінде АҚШ нарығына арналған 2024 жылғы Mercedes-Maybach GLS 600 мінген.
Кимнің гаражында Rolls-Royce Phantom-ның жетінші буыны сияқты люкс көліктер бар екенін ескерсек, бұл тек қызметтік көлік болуы мүмкін.
Флагман «мерседес» сән, сапа және технологиялық кемелдіктің белгісі болып қала береді және бәсекелестер сол деңгейге жету үшін күш салады. Олардың қатарына жақында Aurus әзірлеушілер де кіретінін No Limits телеграм-каналы хабарлады. Өйткені НАМИ зерттеу мақсатында жаңа Mercedes-Benz S680 Guard 4Matic сатып алыпты.
Комментариев: 0