Ким Чен Ын өзінің қымбат көліктерімен ресми кездесулердің біразына барып қайтты. Жуырда оның лимузиндері Владивостокта, Сингапурда және Ханойда көзге түсті. Бір қызығы, оның бұл темір тұлпарларды ресми түрде сатып алуы мүмкін емес екен. Бұл сұрақтың көпшілікті мазалағаны соншалық, бұл сауал Daimler AG концерніне де жетіпті.
Концерн өкілі Зильке Мокерттің сөзіне сілтеме жасай отырып, ТАСС хабарлағандай, Ким Чен Ынның көлікті қайдан алғанын компаниядағылар білмейді. Себебі соңғы 15 жыл ішінде «Даймлердің» КХДР-мен еш байланысы болған жоқ.
— АҚШ пен Еуропалық одақтың реттеуін қатаң сақтаған Daimler AG 15 жылдан аса уақыт аралығында Солтүстік Кореямен сауда-саттық байланысын орнатқан емес. Автокөліктердің КХДР-на не солтүстік кореялық елшілікке жеткізілуіне жол бермеу үшін Daimler AG ауқымды экспортты бақылау шарасын қолға алды, — деп мәлімдеді Мокерт ТАСС агенттігіне.
Ким Чен Ын лимузиндерді үшінші елдердегі жекелеген адамдардан сатып алды деген болжам бар.
Комментариев: 0