Kia жолсыз жерде жүретін электрлі кроссовер және вэн шығарды

Лас-Вегаста ашылған SEMA тюнинг-шоуына қатысу үшін Kia екі жол талғамайтын концепт жасады. Advntr атауын алған біріншісі EV9 кроссоверіне негізделсе, Wkndr деп аталатын екінші концепт батареялы PV5-тің мүмкіндіктеріне ие. Бұл модельдің әлі сериялық нұсқасы жоқ, Kia оның премьерасы қашан өтетінін де нақтыламады.

Kia подготовила к бездорожью электрические кроссовер и вэн

Advntr жүк сүйрейтін ілмегі бар қуатты бампер, күшейген табалдырық және арка кеңейткішімен жабдықталған. Кроссовер жолсызға арналған шинасы бар жаңа диск, жақсарған жарық техникасы және экспедициялық жүксалғыш алды. Сондай-ақ Kia автомобильдің клиренсі 75 мм артқанын хабарлады.

1 / 4

Kia EV9 Advntr

1 / 4

Advntr сериялық модельдің сәл өзгерген нұсқасы болса, Wkndr демалысқа және жорыққа аттанатын батареялы көліктің концепциясы. Фургонның интерьерін өзгертуге болады, кез келген элементті, соның ішінде ортаңғы экранды қалаған жерге ауыстырып, өз қалауыңызша пайдалана аласыз. Мысалы, алдыңғы жолаушы орындығы үстелге айналады, еденде орындыққа айналатын жылжымалы кронштейндер, ал қабырғада қосымша бүктелетін орындықтар бар. Күн панелі бар шатыр ашылып, жатын орынға айналады, ал бүйір панельдердің бірінде асүй жасырылған.

PV5 Wkndr-дің бортында қосымша модуль бекітілетін орын бар. Бренд концептіні белсенді демалысты ұнататындарға арналған көлік ретінде ұсынды. PV5-ті мобильді шеберхана немесе автодүкен ретінде де пайдалануға болады.

1 / 6

Kia PV5 Wkndr

1 / 6

EV9 да, вэн де бұдырлы шина, биік клиренс және күшейген бамперлерінің арқасында жолсыз жерде еркін жүреді. PV5-тің техникалық сипаттамасы жарияланбады.

Kia алғаш рет PV5-ті жыл басында CES көрмесінде көрсетті. Вэннің дебюті концепт ретінде өтті, оның басты ерекшелігі — шанақ ауыстыру мүмкіндігі. Электрлі көліктің сериялық нұсқасы сынақтан өтіп жатыр, болашақта Kia батареялы коммерциялық көліктер топтамасына шағын PV1 фургонын және үлкен PV7 индексті вэнін қосуды жоспарлап отыр.

Комментариев: 0