Жарияланған тизерден EV9 Concept интерьеріндегі ерекшеліктер мен көлік дизайны анық байқалады. Бұл — күрделі шаммен және жіңішке ирек күндізгі жүріс жарығымен әрленген бес есікті ұзын машина. Салондағы орындықтар үш қатарлы, цифрлы аспаптар панелі, мультимедиа экраны мен шаршы пішінді рөл орнатылған, ортада шынтақ тірегіші бар жалпақ консоль тұр.
Компания концептіні 17 қараша күні Лос-Анджелестегі көрмеде көрсетуді жоспарлап отыр. Ал 2022 жылы жарық көретін сериялы Kia EV9 дәстүрлі қозғалтқышпен жүретін Kia Telluride моделінің баламасы болады. Электромобильдер үшін арнайы жасалған E-GMP платформасы бір не екі мотор орнатуға мүмкіндік береді. Ауыр көліктерге жалпы 325 ат күші мен 605 Нм момент беретін екі мотор бірден қойылуы мүмкін.
Қазір Kia-ның өз мамандары әзірлеген бір ғана электромобилі бар. Су жаңа EV6-ны Қазақстанға жеткізу туралы сөз болған жоқ, дегенмен мүлде келмейді деп айта алмаймыз. Ал дәстүрлі машиналарға келер болсақ, компания іштен жанатын қозғалтқыштан 2040 жылға дейін бас тартпайды.
Комментариев: 0