5 қарашада Kia кроссовердің Оңтүстік Кореяда саудаға түсетін жаңарған нұсқасын көрсетіп, бағасын жариялады.
Рестайлинг модельді сырттай алдыңғы бөлігінен танисыз. Машинаның радиатор торы, бампері және бас оптикасы өзгерген. Артқы бампері мен шамы да басқаша әрленіпті.
Интерьерінде ең алдымен екі шабақты рөл көзге түседі. Басқа алдыңғы панель тұр, медиакешен мен цифрлы аспаптар панелін біріктіретін планшеттің пішіні өзгеше, ортаңғы консольдегі батырмалар да орын ауыстырғаны байқалады.
Жабдықталуына келер болсақ, компания өкілдері проекциялық дисплей пайда болып, жүргізуші көмекшілері жақсарды, одан бөлек бейнетіркеуіш, саусақ ізінің сканері бар, медиажүйені интернет көмегімен жаңартуға болады, жүргізуші жолға көңіл бөлуі үшін рөл дірілдейді деп атап өтті.
Автомобиль 8 сатылы автоматпен жұмыс істейтін 1.6 литрлік турбомотормен жүреді. Бұрын мұндай агрегат тек 7 сатылы роботпен жұптасатын. Инженерлер күштік құрылымы мен аспасын баптап, дыбыс оқшаулайтын материалдар қосқан. Әлемдік нарыққа шығатын модельде қандай техникалық өзгеріс болатыны белгісіз. Қазақстанда Sportage қазір 2.0 не 2.5 литрлік бензинді қозғалтқышпен сатылып жатыр.
Марка Корея тұрғындарына Sportage-дің бірнеше нұсқасын ұсынады. 1.6 литрлік турбомоторы бар көліктің бағасы 28.4 млн воннан (10.1 млн теңге) басталады. Газ тұтынатын 2 литрлік мотор алған кроссовердің ең арзаны 29 млн вон (10.3 млн теңге) тұрады, ал 1.6 литрлік турбомоторға негізделген гибрид күштік құрылымды машинаны 12.3 млн теңгеге алуға болады. Пластик қорғаныш бастырығы бар
Комментариев: 0