Kia XCeed-ті жаңартты

Kia рестайлингтен өткен XCeed хетчбэгін таныстырды. Жаңа машинаны басқа оптикасынан, жіңішкелеу радиатор торынан, бампері мен опция ретінде ұсынылатын 18 дюймдік дискісінен танисыз. Оған қоса көлікке жаңа логотип тағылған.

1 / 8

• 
• 
• 
• 
• 
• 
• 
• 

1 / 8

Салонында өзгеріс көп емес. Машина бұрынғыдай аспаптар панелінің қызметін атқаратын 12.3 дюймдік экранмен сатылады. Ал мультимедиа кешенінің көлемі 10.25 дюйм болатын планшеті тек үздік нұсқасында болады, қарапайым көлікке 8 не 5 дюймдік экран орнатады. Сонымен қатар инженерлер Kia Connect-ті жаңартып, жол белгісінің талабына сай әрекет ететін жаңа бейімді круиз-бақылау жүйесін қосыпты.

1 / 6

• 
• 
• 
• 
• 
• 

1 / 6

Жаңарған XCeed-тің мотор гаммасында 7 сатылы роботпен жұмыс істейтін 1.6 литрлік (201 а. к.) турбомотор бар. 160 ат күшіне ие 1.5 литрлік тағы бір бензинді агрегат одан бір саты төмен тұр. Одан бөлек топтамадан 1 литрлік стартёр-генераторлы қозғалтқыш пен жұмсақ гибридті табасыз. Күштік құрылымдар 120 және 136 ат күшіне ие. Беріліс қорабына келсек, робот пен ақылды механиканың (iMT) бірін таңдауға болады.

Толыққанды бензин-электрлі нұсқа да орнында қалды. 1.6 литрлік қозғалтқыш пен шағын электромотор бірігіп, 141 ат күшін береді және тек электр күшімен 60 шақырым жол жүруге жағдай жасайды.

Жаңарған Kia XCeed Словакиядағы зауыт конвейеріне жазда тұрады. Еуропада қыркүйекте сатыла бастайды.