Kia Telluride-тың екінші буыны жарық көрді

Kia АҚШ-та Telluride кроссоверінің екінші буынын таныстырды. Модельдің сырт келбеті жаңарып, өлшемі ұлғайды және мүлде басқа интерьер алды. Telluride-тың жолсыз жерге бейім X-Pro модификациясы шығады, бірақ техникалық сипаттамасы әзірге белгісіз. Айдың аяғында Лос-Анджелестегі автосалонда өтетін премьера кезінде белгілі болады.

1 / 6

Презентован Kia Telluride второго поколения

1 / 6

Kia Telluride тікбұрышты көрінгенімен, қырлы сызықтары жұмыр. Алдыңғы бөлігі бедерлі капот, жіңішке саңылаулары бар тік радиатор торы және онымен үйлесетін жарық техникасы мен ірі бампермен жабдықталады. Дизайнерлер бүйірін дөңгелек аркасының үстіндегі үшбұрыш таңбамен толықтырған. Олар асыл тастарды еске салады. Артында кең тірек, жіңішке тік шам мен ірі спойлер тұр. Дөңгелек дискілері — 18-21 дюйм.

Кроссовердің нақты өлшемі белгісіз, бірақ марка Telluride-тың өлшемі ұлғайған дейді. Мысалы, ұзындығы 5.7 см артқан, ал ось арасындағы қашықтығы 7.5 см ұзарды. Салоны кең болатыны анық. Жақсарған құрылымының арқасында екінші және үшінші қатардағы орынға өту жеңілдейді.

1 / 8

Жалпы интерьері ұстамды әрі кең көрінеді. Көлденең орналасқан алдыңғы панелі трансмиссия селекторынан арылған ортаңғы тоннельмен үйлесіп тұр. Бір блокқа біріккен екі үлкен дисплей мен пернелердің сенсор жолағы бар. Жүксалғышта жиналмалы үстел және алынбалы қалқа болады.

Бренд көліктің салонын анағұрлым жайлы әрі сапалы материалмен қаптайды, енлдірмелерін ағаштан жасайды, түс гаммасын кеңейтеді. Шанақ реңктері де көбейеді.

1 / 10

Kia Telluride X-Pro

1 / 10

Kia Telluride X-Pro-ны басқаша радиатор торы мен контраст әрленген тартқыш ілмегінен, күңгірт түсті шанақ әрлеуі мен мықтырақ рейлингінен танисыз. Механикасына келер болсақ, клиренсі 231 мм-ге дейін биіктейтіні ғана белгілі.

Kia қарашаның аяғында АҚШ-та сатылатын Telluride-қа қатысты толық ақпарат беруге тиіс. Алдын ала мәлімет бойынша V6-ның 2.5 литрлік турботөрттікке негізделген гибрид түрленімі болады екен. Марка жаңа модельді Солтүстік Америкадағы автосалондарға 2026 жылдың бірінші тоқсанында жеткізеді.

Комментариев: 0