Kia-ның гибрид Niro кроссовері газбен жүреді

Kia-ның Италиядағы өкілдігі осы демалыс күндері Niro кроссоверінің ерекше нұсқасын сата бастайды. Tri-fuel («үш отынды») деген атау алған көлік бензин, электр қуаты және сұйытылған газбен жүреді. Бірегей кроссовер үшін қосымша ақы төлеу қажет, бірақ Kia отын үнемдеу және ұзақ қашықтықты еңсеру мүмкіндігінің арқасында шығынды өтеуге болатынына сенімді.

Kia Niro Tri-fuel жүксалғыш еденінің астына орнатылған қосымша 40 литрлік газ баллон алды. Стандарт 42 литрлік бензин багы да сақталған. Жаңа жабдықтың арқасында кроссовер 1600 шақырым еңсере алады. Компанияның есептеуінше мұндай Niro атмосфераға 6 %-ға аз зиянды заттар шығарады.

1 / 6

• 
• 
• 
• 
• 
• 

1 / 6

Бренд 1.6 литрлік атмосфералы мотор, сыйымдылығы 1.32 кВт·сағ батарея және 6 сатылы роботқа орнатылған электр қозғалтқышпен жабдықталған Niro-ның қуатталмайтын модификациясын таңдады. Қарапайым Niro HEV 141 ат күшін береді, бірақ газға ауысқанда құрылымның қуаты өзгере ме белгісіз.

Италияда Kia Niro Tri-fuel-дің құны 34 450 еуродан (18 млн теңге) басталады. Бұл қарапайым гибридтен 2 мың еуроға (1 млн теңге) қымбат, бірақ компания отынның арқасында 5 мың еуроға дейін үнемдеуге болады деді. Kia-ның пікірінше пайда айдай анық.

Көршілес Өзбекстанда жергілікті «газ орнатқыштар» да гибрид көліктерді пропан мен метанға ауыстыруды үйреніп алды. Көбіне газбаллон BYD модельдеріне орнатылады, бірақ газбен жүретін премиум Lixiang L9-ды да кездестіруге болады.