Kia K9 седанын жаңартты

2018 жылы Нью-Йорктегі автосалонда жарық көрген флагмандық Kia K9-дың екінші буыны ішкі нарықта модельге қызығушылық айтарлықтай төмендегеніне байланысты екінші рет рестайлингтен өтті. Былтыр Оңтүстік Кореяда модельдің шамамен 3.9 мың данасы ғана сатылды, бұл 2022 жылғы нәтижеден 41 % аз.

1 / 6

1 / 6

Жаңарған K9 сырттай аса өзгермеген. Радиатор торы басқаша және жақтауы жіңішке келеді. Түс гаммасына бірнеше реңк қосылып, түсі басқа 19 дюймдік диск пайда болды.

Салонындағы өзгерістер де байқалмайды. Компания интерьердің жаңа әрлеуін, USB-C рәзеткесін және стандарт жабдықтар тізімінде бірқатар қосымша жабдық ауысқанын айта кетті. Седанның алдыңғы орындықтары ыңғайлы, ал жүргізуші орындығында енді массаж функциясы қолжетімді. Кондиционер жүйесінде зең пайда болуына жол бермейтін After Blow жүйесі бар. Ол жүргізуші қозғалтқышты өшіргеннен кейін кондиционердің булағышындағы конденсаттан қалған ауа ізі мен ондағы ылғалды автоматты түрде құрғатады. Батарея қуаты аз және сырттағы ауа температурасы нөлден төмен болса, After Blow қосылмайды.

1 / 5

Модель бұрынғыдай атмосфералы 3.8 және 3.3 турбомотормен жүреді. Базалық K9 артқы жетекті болады, қосымша ақы төлеп, толық жетек қосуға болады. Оңтүстік Кореяда бағасы 43 800-64 200 доллар (19.6-28.7 млн теңге) аралығында.

Kia K9 елімізде де сатылады. 249 ат күшін (347 Нм) беретін 3.3 литрлік мотормен жүретін Premium комплектациядағы көлік 40 млн теңге тұрады.

Комментариев: 0