Kia K8 интерьерінің сапасы нашар суреттері желіде тараған сәттен екі күн өткен соң компания 2021 жылы ақпанда жарық көрген көліктің ресми суреттерін жариялады.
Салонда алдыңғы панельдегі бір корпусқа біріктірілген 12 дюймдік екі дисплей бірден көзге түседі. Мұндай шешім рестайлингтен кейінгі Mercedes-Benz S-Class W222-ні еске салады.
Рөлге жаңа логотип жазылған. Мультимедиа кешені мен климат-бақылау жүйесі сенсорлы панель арқылы басқарылады, автомат қораптың режимдерін таңдау үшін шайбаны қолданасыз.
K8-дің кескіні мен материалы машинаны Cadenza-дан гөрі премиумдық көліктерге жақындатады. Орындықтары наппа былғарысымен қапталып, панельге табиғи ағаш пен металдан жасалған қондырмалар орнатылған. Оған қоса Star Cloud деп аталатын фондық жарықтандыру жүйесі бар. Kia өкілдері K8 Meridian деп аталатын қуатты аудиожүйе орнатылған алғашқы седан екенін атап өтті.
Kia K8 жайлы толық ақпарат жуырда өтетін ресми таныстырылым кезінде беріледі. Су жаңа көлік Оңтүстік Кореяда жыл соңына қарай сатыла бастайды.
Комментариев: 0