Kia K8-ді жаңартады

Kia K8 2021 жылы Cadenza-ның орнын басқан. Компания рестайлингтен өткен модельдің алғашқы суреттерін жариялады. K8-дің сырт келбеті жаңарады, бірақ интерьері мен мотор гаммасы аса өзгермейді.

Kia дизайнерлері K8-дің экстерьерін фирмалық стильге бейімдеуге көңіл бөлді. Модельдің алдыңғы бөлігі толықтай өзгеріске ұшырады. Өзіндік радиатор торының орнын жалпақ алдыңғы бампер басты. Капот рельефті болып қалды, бірақ дөңес жерлері агрессивті етіп жасалған. Жарық техникасы Y тәрізді күндізгі жүріс шамнан және тік блоктары бар екі деңгейлі фарадан тұрады.

Капот шетінде диодты жолақ пайда болды, ол артқы бөліктегі ұқсас элементпен бір дизайнда жасалған. Сондықтан бампері мен газ шығару жүйесінің түтігі жаңаруы мүмкін.

Алдын ала мәлімет бойынша бренд K8-дің бұрынғы интерьерін қалдырады, бірақ модель жақсарған медиажүйе және жүргізуші көмекшілерінің кешені сияқты жаңа технология алады. Видеотизерде жұлдыз аталғанын ескерсек, төбесі «жұлдызды аспан» жарық жүйесімен жабдықталатын шығар. Мотор гаммасы өзгеріссіз қалатын сияқты, бірақ күштік құрылымы үнемді бола түсуі мүмкін. Компания Оңтүстік Корея нарығына арналған Kia K8-ді тамызда таныстырады, жаһандық модификация кейінірек шығады.

1 / 5

• 
• 
• 
• 
• 

Kia K8

Kia K8

Kia K8

Kia K8

Kia K8

1 / 5

Қазақстанда рестайлингке дейінгі Kia K8 тек 300 ат күші бар 3.5 литрлік қозғалтқышпен және 8 сатылы автоматпен сатылады. Екі комплектация қолжетімді, бағасы 22 және 25 млн теңге шамасында.