Kia Carnival-дың электрлі есігі қол сындырады

2021 жылы Kia Carnival-дың слайдер есігі қозғалыс кезінде ашылып кетеді деген мәлімет шығып, өндіруші біраз әбігерге түскен. Сол кезде құлып қарысып қалып, жол үстінде ашылып кететіні анықталды. Салдарынан марка сервистік кампания жариялауға мәжбүр болды.

Көп ұзамай Carnival иелері сол баяғы есікке қайта шағымдана бастады. Тексеріс барысында Kia мамандары кем дегенде тоғыз адам жарақат алғанын анықтады. Есікті автоматты жабатын батырманы басқан сәтте олардың қолы есік жақтауында қалып қойған екен. Есепте бірнеше кісінің қолы сырылып, қанағаны, бір адамның саусағы, тағы біреудің қолы сынғаны жазылған.

Carscoops кампания АҚШ-та саудаланған 2022-2023 жылғы 51 568 Carnival-ды қамтиды деп жазды. Жаңарған бағдарлама есікті жабылар алдында баяулатады және ашып-жапқанда дыбыс шығарады.

Kia модельдің төртінші буынын 2020 жылы маусымда таныстырған, былтыр тамызда Қазақстанға ресми келді.