Hyundai Mobis пен Carl Zeiss компаниясы бірлесіп голографиялық проекциялық дисплей жасап жатқаны былтыр күзде белгілі болған. Сол жұмыстың нәтижесін CES’2025 көрмесінде жұрт назарына ұсынды, мамандар оны Kia EV9 электрокроссоверіне орнатыпты.
Құрылғының ең басты элементі — проектордан ақпаратты көрсететін қалыңдығы небәрі 0.1 мм болатын өте жұқа оптикалық плёнка. Баспасөз хабарламасындағы ақпаратқа сенсек, ол «жүргізуші мен жолаушыға сурет пен видеоны тиімді көрсету» үшін жарық дифракциясы принципіне сай жасалған.
EV9-да экран алдыңғы әйнектің төменгі бөлігіне орналасқан, бірақ қажет болса проекцияны басқаша орналастыруға болады. Голографиялық дисплейде жүргізушінің жолаушы көріп отырған нәрсеге назар аударуына жол бермейтін құпиялық режимі болады.
Дисплейден аспаптар панелінің комбинациясы, бүйірлік камерадағы көрініс, навигация деректері және мультимедиа көрінеді, болашақта машина салонында дәстүрлі экран болмайды. Hyundai Mobis плёнка экран қатты жарықта да жақсы жұмыс істейтінін әрі сырттан ештеңе көрінбейтінін айтты.
Компания автоөнеркәсіпке арналған голографиялық дисплейдің сериялы өндірісі 2027 жылы шығады деп жоспарлап отыр. Ал үш жылдан кейін әлемде мұндай құрылғының саны 7 млн данаға жетеді.
Комментариев: 0