Кен Блоктың «Импрезасы» сатылады

Bring a Trailer онлайн-аукционы 2004 жылғы Subaru Impreza 2.5 RS ралли көлігін саудаға қойды. Спорткардың бірнеше иесі болған, бірақ онда әйгілі экстремал спортшы Кен Блок мінген машиналардың белгісі саналатын Monster Energy ливреясы мен 43 нөмірі әлі тұр. Аукцион аяқталуға сегіз күн ғана қалды, бірақ клиенттер автоспорт жұлдызы мінген болидке небәрі 46 мың доллар ұсынып отыр.

1 / 18

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 18

Раллиге арналған машина 2006 жылы суға батқан екі жастағы азаматтық «Импреза» негізінде жасалған. Мамандар екі литрлік төрт цилиндрлі моторға MoTeC басқару блогын, жаңа салқындату жүйесін, тиімді жанармай сорғысын орнатқан және т.б. өзгеріс енгізген. Агрегат үш дифференциалы бар 5 сатылы Kaps механикалық қорабымен жұмыс істейді.

Жаңа иінтірек пен Ohlins амортизаторының арқасында аспа жаңарды, сондай-ақ шеберлер AP тежеуіші мен 15 дюймдік Speedline дөңгелек дискісін орнатты. Салонда қауіпсіздік қаңқасы, Recaro Pro Racer орындығы, карбон панель және жаңа педаль бар. Бұдан бөлек штурманға арналған ралли компьютері мен жүргізуші алдындағы жаңа аспаптар панелін атауға болады.

1 / 26

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 26

Кен Блок пен оның штурманы Алекс Джельсомино бұл машинаны X-Games жарыс сериясында бірнеше маусым мінді, содан кейін көлік сатылды. Impreza бірнеше ерекше естелік детальмен бірге сатылады, атап айтқанда, салондағы Gymkhana нөмір белгіс, Кен Блок, Джельсомино және Трэвис Пастранның қолтаңбасы. Спорткар бірнеше рет апатқа ұшырапты.

Кен Блок биыл жыл басында қайтыс болды. Әйгілі спортшы, экстремал әрі Gymkhana видеосериал авторы қаршанамен апатқа түсіп, көз жұмды.