Казталовка — Жәнібек — Ресей шекарасы тас жолы ХХ ғасырдың 60 жылдары салынған. Содан бері жөндеу көрмеген трасса елдегі ең нашар жолдардың бірі болды. Бірнеше жыл бұрын билік трассаны жөндеуге кіріскен, содан бері машиналар айналма жолмен жүріп жатыр. Жаңбыр жауғанда немесе қар еріген кезде бұл жолмен жүру мүмкін емес.
Тас жолдың жалпы ұзындығы — 165 км. 25 шақырымы 2021 жылы жөнделген. Ал бүгін «ҚазАвтоЖол» ҰК тағы 42.2 км жол (95–138 км) дайын болғанын хабарлады. Мамандар жолға екі қабат етіп 100 мың тонна асфальт төсеп, 17 су өткізгіш құбыр салды.
«Қазір трассаның жиегін жөндеу және жол белгісі мен таңба сызып, абаттандыру жұмыстары жүріп жатыр. Жоба бойынша трасса бойына санитарлық-гигиеналық бөлігі бар демалыс орны салынады. Жобаны биыл жыл аяғына дейін толық аяқтаймыз», — деп мәлімдеді ұлттық компания.
Комментариев: 0