Канада электромобиль шығарды

Канаданың AXL Electric Vehicles компаниясы SharX-5 деп аталатын алғашқы электромобилін таныстырды. Компания Ньюмаркет қаласында тіркелгенімен, өнім тұсаукесері Біріккен Араб Әмірлігінде өтті, электрокроссовер алдымен сол елде сатылады.

1 / 7

• 
• 
• 
• 
• 
• 
• 

1 / 7

Өндіруші кроссоверді қолжетімді премиум электромобиль ретінде ұсынып отыр, бағасы шамамен 40 мың доллардан (17.8 млн теңге) басталады. Автомобильдің жабдықтар тізімі мол болады. Мысалы, жылытуға және желдетуге болатын кресло, үш дисплей, электронды көмекшілер жинағы және т.б. Сондай-ақ интерьерін хрустальмен безендіреді.

1 / 5

• 
• 
• 
• 
• 

1 / 5

AXL технологиялық жабдықтар мен салон әрлеуден ақша аямағанымен, SharX-5-тің күштік құрылымы өте қарапайым. Машина 209 ат күшіне ие бір электромотормен жүреді, сыйымдылығы 67 кВт·сағ литий-темір-фосфатты батареяның (LFP) арқасында көліктің жүріс қоры 500 километрге жетеді.

Алғашқы SharX-5 2024 жылы ақпанда саудаға түседі. Компания автомобильді қай жерде өндіретінін айтқан жоқ. Бірақ модель БАӘ-ден өзге нарыққа да шығады. AXL электромобильді MENA елдерінде (Таяу Шығыс, Солтүстік Африка, Түркия, Армения, Грузия) сатуды жоспарлап отыр. Содан кейін ғана Солтүстік Америкаға жеткізеді.