Канада Cybertruck шығарды

Канадалық North American Electric Vehicles ательесі сериялы Tesla Cybertruck-ты күтіп шаршағандарға ұсыныс жасады. Өнертапқыштар 1991 жылғы Humwee пикабына Tesla-ның күштік құрылымын орнатып, оны H1EV деп атады.

AM General шығарған Humwee толық жетекті, пикап 600 ат күшіне ие екі электромотормен жүреді. Аккумулятордың сыйымдылығы айтылмаған, бірақ базалық батареямен Humwee небәрі 240 шақырым жол жүреді.

1 / 6

• 
• 
• 
• 
• 
• 

1 / 6

Электромод салонында аспаптар панелі мен дисплей рөлін бірнеше «айпад» атқарады, соңғы үлгідегі акустика мен спорттық креслолар бар. Интерьер қара жасанды былғарымен қапталыпты. 37 дюймдік шинамен қапталған 20 дюймдік дөңгелек дискілері ерекше көрінеді.

Клиент қосымша 20 мың доллар төлесе, канадалықтар аккумулятор көлемін ұлғайтып береді, сонда электропикаптың жүріс қоры 480 шақырымға жетеді. Ал тағы 6 мың доллар қосса, салонды таза былғарымен әрлейді.

Cybertruck өндірісі созылып кеткенін және бірегей GMC Hummer EV-дің жеткізілуі кешігіп жатқанын ескерсек, шеберлер жақсы шешім ұсынып отырған сияқты. Алайда Солтүстік Америка нарығында мұндай электропикап жетерлік, Ford, Chevrolet мен Rivian осының дәлелі.