Кәдімгі моторы бар балалар көлігі сатылады

1990 жылдардағы польшалық Alpha компаниясының өнімдері баласына армандаған ойыншығын алып бергісі келетін ата-аналарға арналады.

80 жылдардың аяғынан бастап Alpha шағын көлемді бензинді мотормен жүретін 2 мың дана Junior санатындағы бір орынды балалар көлігін жасады. Бұл машиналар автоөндірушілердің өзінен лицензия алған.

1 / 6

• 
• 
• 
• 
• 
• 

1 / 6

Әсіресе R129 шанағындағы Mercedes-Benz SL мен Porsche 911 сәтті шықты. SL газон шабуға арналған Briggs & Stratton техникасының 127 кубтық моторымен, ал 911 түрлі өндіріс жабдықтарына арналған 83 кубтық Honda G100 моторымен жүреді.

Иінтірегі мен ілінісу педалі бар беріліс қорабында алға жүретін екі, шегінетін бір жылдамдық болады. Бензин багы мен аккумулятор «мерседестің» арт жағында, «поршеннің» алдында орналасқан.

1 / 5

• 
• 
• 
• 
• 

1 / 5

Өте кішкене болғанымен мини-родстерлер 40 км/сағ жылдамдыққа оңай жетеді. Сондықтан құрылымында жылдамдықты шектейтін мүмкіндік қарастырылған.

Балалар мінетін автомобиль арзан емес, eBay аукционында жақсы сақталғандары 10–11 мың еуроға бағаланып отыр.