Бірнеше елде жақсы сатылып жатқан жаңа буындағы Suzuki Jimny көлікті G-классқа ұқсататын шанақ элементтерімен толықты.
Неміс ательесі Suzuki-мен серіктес емес екенін біле тұра, жалған машинаға тапсырыс беріп жатқандар көп. Өйткені «Джимнигелик» расымен тартымды көрінеді. Жақында соның бірі Лондонда көзге түсті. Көлік сырттай түпнұсқаға өте қатты ұқсайды. Мамандар шанағын өзгертіп, AMG дискілерін орнатумен шектелмей, салонын да айрықша әрлепті.
«V8 biturbo» және «800» деген жазуларға сенудің қажеті жоқ, капот астына қуаты 200 ат күшінен аспайтын бір жарым литрлік мотор орнатылған. Ал газ шығару жүйесі арнайы дыбыстық жүйемен жабдықталғандықтан, таныс гүріл естіледі.
Jimnyvagen-нің бағасын әзірше тек болжауға болады. Ал Kolesa.kz-те осы тектес машина 20 млн теңгеге, яғни қарапайым Jimny-ден 3 миллионға қымбат сатылып жатыр.
Комментариев: 0