Jetour Traveler Ресей нарығына шығады

Chery концернінің құрамындағы Jetour маркасы Traveler кроссоверін Ресейде саудалайтынын мәлімдеді. Бұл ақпарат брендтің «ВКонтактедегі» ресми парақшасында жарияланды. Бірақ Traveler өндірісі Қытайда әлі басталған жоқ.

Көлемі 4785×2006×1880 миллиметр, ал дөңгелек базасы 2.8 метр Jetour Traveler жол талғамайтын флагман X90 Plus-тен біршама жинақы, Jetour Dashing-тен үлкенірек. Сырт пішіні брендтің басқа модельдерінен ерекшеленеді, қырлы корпусының арқасында кроссовер толыққанды жол талғамайтын көлікке ұқсайды.

1 / 5

• 
• 
• 
• 
• 

1 / 5

Traveler-ді қандай конструкцияда құрастыратыны белгісіз, бірақ рама қолданбайтын сияқты. Ол стандарт кроссовер, соған қарамастан асфальт жоқ жерде жүретін ең қабілетті көлік болады. Кей дерек бойынша жолсызға арналған көлікті басқа Jetour модельдерінде қолданбаған толық жетекті мотормен жабдықтайды.

Жергілікті нарық үшін сатылатын Jetour Traveler-ге 245 ат күшін беретін 1.5 және 2.0 литрлік турбомотор орнатады. Кейінірек ұзарған дөңгелек базасы, үш қатар орындығы бар және гибрид күштік құрылыммен жүретін түрленімі шығады.

Модель өндірісін осы жылдың ортасында бастау жоспарланған. Уақыт өте Traveler Ресей мен Қазақстанға жетуі мүмкін. Біздің елдегі топтама әртүрлі калибрлі төрт кроссоверден тұрады: X70, X70 Plus, Dashing және X90 Plus. Бағасы — 10.49-15.99 млн теңге. Көліктің көлемін, имиджі мен жабдықталуын ескерсек, ресми сатылым басталған кезде 15 миллионнан арзан болмайтыны анық.