Казақстанда Jetour T2 атауымен белгілі Jetour Traveller кроссоверінің жаңа модификациясы туралы ақпарат сертификат алу кезінде белгілі болды. CarNewsChina хабарлағандай, суреттерді Қытай Өнеркәсіп министрлігі жариялаған.
Суреттерден кроссовердің алды және арты айтарлықтай жаңарғанын көруге болады. Дизайнерлер Traveller үшін жаңа радиатор торын және ірі бамперлер жасаған, ал алдыңғысы тік диодты ендірме алды. Суреттерден басқа капот, арка кеңейткіші бар қанат және үлкен табалдырық көрінеді. Жаңа өнімнің шатырына экспедициялық жүксалғыш орнатылған.
Техникалық жағына келер болсақ, бұл көлік 2 литрлік турбомотормен жүреді. Қазақстандағы нұсқада дәл осы қозғалтқыш тұр, ол 245 ат күшін береді және 7 сатылы роботпен жұптасады. Өлшемдері — 4785×2022×1910 мм, яғни бұл кроссовер стандарт T2-ге қарағанда кең және биік. Автомобильдің ось арасындағы қашықтығы бұрынғыдай 2.8 метр.
Жаңа модификацияның тағдыры әлі белгісіз. Jetour кроссовердің толық рестайлингін жасайды немесе Traveller топтамасын шектеулі нұсқамен толықтырады деген болжам бар. Қытайда танымал модельдердің арнайы нұсқаларына сұраныс жоғары.
Елімізде бұл машина екі комплектацияда сатылады. Құны 16-17 млн теңге шамасында, ал Қытайда 139 900-184 900 юань (9.57-12.65 млн теңге) тұрады.
Комментариев: 0