Jetour Shanhai T1 гибрид кроссоверін көрсетті

Chery концернінің құрамына кіретін Jetour бренді жаңа Shanhai T1 моделінің ресми суретін жариялады. Сырттай ол T2-ге ұқсайды, бірақ оған қарағанда шағын әрі арзан болады. Алдымен кроссовердің гибрид нұсқасы шығады, сауда биыл төртінші тоқсанда басталады.

Jetour Shanghai T1-дің алдыңғы бөлігі осы топтама ерекшелігене сай қырлы болады, радиатор торында диодты қосымшасы бар тікбұрышты жарық техникасы назар аудартады. T2-ден айырмашылығы жаңа өнімнің артқы жағының дизайны аса сұсты емес. Shanhai T1-де T2-дегідей ұсақ заттарға арналған бокс болмайды.

1 / 5

• 
• 
• 
• 
• 

1 / 5

Модельдің өлшемі — 4706×1967×1845 мм, дөңгелек базасы — 2810 мм. Демек T1 T2-ге қарағанда 80 мм қысқа, бірақ дөңгелек базасы 10 мм ұзын болады. Өлшемі ұқсас болғандықтан интерьер архитектурасын бір кроссоверден екіншісіне еш өзгеріссіз көшіруге мүмкіндік бар. Shanhai T1 10.25 және 15.6 дюймдік екі дисплейі бар Snapdragon 8155 процессоры негізіндегі медиажүйемен жабдықталған.

Гибрид күштік құрылым 156 ат күші мен 220 Нм беретін 1.5 литрлік турбомоторға негізделген, ал электромотрдың қуаты қазірше белгісіз. 26.7 киловатт батареяның арқасында Shanhai T1 ;электр қуатымен 117 км жол жүре алады, ал жалпы жүріс қоры — 1.4 мың км. T1-дің алдыңғы және толық жетекті нұсқасы жарық көреді.

CarNewsChina хабарлағандай, Қытайда T1-дің бағасы 110 мың юаньнан (7.6 млн теңге) басталады, ал ескі T2 179 900 юань (12.3 млн теңге) тұрады. Қазақстанда робот қорап және толық жетекпен жұмыс істейтін 245 ат күшіне ие төрт цилиндрлі моторы бар Jetour T2 екі комплектацияда 16 және 17 млн теңгеден сатылып жатыр. Марканың экспорт саясатына қарап біздің елге ерте ме, кеш пе, арзанырақ кроссовер келетінін болжауға болады.