Jetour маркалы жаңа көлік Tank 300-ге бәсекелес болады

Жыл аяғына дейін аспан асты елінде тағы бір жол талғамайтын көлік жарық көреді. T-1 автомобилін Chery компаниясына тиесілі Jetour бренді жасаған. T-X концептісіне негізделген машина Land Rover-дің бірнеше моделін еске салады.

Қытай басылымдары T-1 рамалы болады деп жазды, бірақ бренд техникалық жағына қатысты еш мәлімет бермей отыр. Тек капот астында 254 ат күші мен 390 Нм момент беретін 2 литрлік мотор тұратыны белгілі. Агрегат 8 сатылы автоматпен және толық жетек жүйесімен жұмыс істейді. Кейін мотор гаммасы 1.6 литрлік қозғалтқышпен және 7 сатылы роботпен толығады. Бұл күштік құрылымның гибрид нұсқасы да болады.

1 / 4

• 
• 
• 
• 

1 / 4

Фототыңшылар түсірген суреттен салонда тұрған медиакешеннің үлкен экранын, аспаптар панелінің дисплейі мен батыңқы рөлді көруге болады. Сонымен қатар опциялары көп болады деген болжам бар.

Chery бұл модельді басқа елдерде саудалай ма, жоқ па, белгісіз. Бірақ ондай жоспары болса, Jetour T-1 біздің нарыққа шығуы мүмкін. Өйткені Jetour маркасы Қазақстанға келгенін ресми мәлімдемесе де, бір өніміне көлік типін мақұлдау құжатын алды. Машинаны «СарыарқаАвтоПром» мамандары құрастырады. Айтпақшы, Jetour T-1-дің басты бәсекелесі Tank 300 болады.