Jetour 1300 ат күшіне ие машина шығарды

Chery құрамындағы марка Шанхай автосалонында жаңа жол талғамайтын көлігін таныстырды. Сырт көрінісі ерекше, 1300 ат күшіне ие төрт мотормен жүретін модель қытайлық брендтің өндіріс жоспарында бар.

1 / 5

• 
• 
• 
• 
• 

1 / 5

Jetour T-3 жақында шыққан Traveller (Jetour T-1) сияқты қырлы стильде жасалған. Бірақ алғашқысы әлдеқайда ірі. Жергілікті баспасөз концепт ұзындығы 5.3 метр, дөңгелек базасы 3 метр екенін мәлімдеді. Пневматикалық элементі бар аспа арқылы жол саңылауын 60 миллиметрге дейін үлкейтуге болады.

Сериялы авто концептіге қатты ұқсас болады, бірақ бірқатар концептуалды бөлшегін алып тастауы мүмкін. Мысалы, конвейердегі электрокар стандарт есік тұтқасымен және камера орнына айнамен жабдықталады, артқы есіктері қозғалысқа қарсы бағытта емес, дәстүрлі түрде ашылады. Jetour T-3 салоны 5 және 7 орынды болады, ал қазір концептінің артқы қатарында екі ғана орындық бар.

Прототип әрқайсысы 340 ат күшіне ие (400 Нм) төрт электромотормен жабдықталған. Олардың жалпы қуаты 1300-ден асады. Жоба авторлары машина алғашқы жүздікті 3 секундта еңсереді деп мәлімдеді. Jetour T-3-тің электрлі нұсқасынан бөлек дәстүрлі қозғалтқышпен жүретін түрленімі болады, онда ІЖҚ электр генераторы қызметін атқарады. Көліктің жүріс қоры 1400 шақырымға жетеді деген болжам бар.

Компания наурызда халыққа ұсынған Jetour T-3 моделінің бірнеше түрленімін шығарып қана қоймай, оның негізінде пикап жасауды жоспарлап отыр. Өндіруші уақытын нақтыламады, бірақ олар шығам дегенше, Қытайда бірнеше қуатты электромобиль пайда болады. Мәселен, Dongfeng пен BYD мықты модельдерін жолға дайындап жатқанын мәлімдеді.

Jetour маркасы Қазақстан нарығына ресми шыққанмен, модельдерін мамырда сата бастайды. Бастапқыда бренд топтамасы төрт кроссоверден тұрады, оларды Қостанайдағы зауыт мамандары құрастырады.