Крайслерге арнап аксессуарлар мен қосымша жабдықтар шығаратын Mopar Jeep Performance Parts Jeep компаниясы Jeep Wrangler JK (2007–2018), JL (2018–2021) жол талғамайтын көліктері мен Jeep Gladiator пикапының иелеріне зауыттық алдыңғы әйнекті жеңіл әрі мықты Corning Gorilla Glass-қа ауыстыруды ұсынды.
«Gorilla Glass-тың өте жұқа ішкі қабаты сыртқы қабатпен 52 % үйлескендіктен, алдыңғы әйнек жеңіл және мықты болады. Технология әйнектің беріктігін қамтамасыз етеді, бұл жол талғамайтын көліктер үшін өте маңызды», — дейді компания өкілдері.
Штат тұрғындары пайдалы бөлшек үшін қосымша үш жүз доллар төлеуге қарсы емес. Бірақ Gorilla Glass шынымен сол шығынды ақтай ала ма, жоқ әлде басқа адамдардан ерекшелейтін сәндік қасиеті ғана бар ма? Жауабы пайдалану барысында белгілі болады.
Ұялы телефондар мен планшеттер өндірісінде кеңінен қолданылатын Gorilla Glass-тың кәдімгі әйнектен айырмашылығы, ол 1000 градустан жоғары температурада шыңдалып, арнайы химиялық өңдеуден өтеді. Соның арқасында ол сызаттар мен сыртқы әсерге төзімді болады. Бірақ өте қатты сыртқы қабат әйнектің өзін соққыға сезімтал етеді, әйнектің ауданы қанша үлкен болса, оны сындыру сонша оңай болады.
Басқаша айтқанда, әйнекте сызат аз болуы мүмкін, бірақ алдыңғы машинаның дөңгелегінен ұшқан тас әдеттегі әйнек секілді Gorilla Glass-ты да сындырады. Демек оны тексеру үшін таспен ұрып көрудің қажеті жоқ.
Комментариев: 0