Jeep Grand Cherokee V тәрізді мотормен шықпайды

Jeep Grand Cherokee топтамасы 2025 жылы жаңарады. Инсайдерлердің айтуынша Stellantis концернінің басшылығы көліктің мотор гаммасын айтарлықтай азайту туралы шешім қабылдады. Модельдің 8 цилиндрлі қозғалтқышы ғана емес, қазіргі V6 моторы да болмайды.

Автомобильдің қазіргі базалық нұсқасы 3.6 литрлік V6 Pentastar-мен жабдықталған, ол 294 ат күшін береді. Grand Cherokee L-дің үш қатарлы орындықтары бар ұзарған модификациясы үшін қосымша 4 мың доллар төлеп, 362 ат күші бар 5.7 литрлік V8 Hemi моторын алуға болады. Бұл V тәрізді екі қозғалтқыш та мотор гаммасында болмайды.

Stellantis-те Hurricane топтамасына кіретін жаңа 6 цилиндрлі қозғалтқыш бар, 3 литрлі агрегат 550 ат күшін береді. Компания оны Jeep Grand Wagoneer және Ram 1500-де қолданады. Инсайдерлердің пікірінше алтылықты қазіргі Grand Cherokee-ге орнату оның платформа ерекшеліктеріне байланысты қиындық тудырады.

Қазіргі атмосфералы мотордың орнына көлемі небәрі 2 литр болатын турбо төрттік келеді. Бренд оны Jeep Wrangler-де қолданып жатыр, бірақ үлкенірек Grand Cherokee үшін қозғалтқыш жаңарады.

Компания жаңа қозғалтқышпен машина үнемді, экологиялық таза болады және қуатын да, тарту күшін де жоғалтпайды деп сендірді. Төрт цилиндрлі агрегат базалық V6-дан небәрі 20 ат күшіне әлсіз, бірақ айналу моменті жоғарырақ, Wrangler-де ол 270 ат күшін және 400 Нм момент береді. Jeep жол талғамайтын көліктің ұзарған нұсқасына тек осы моторды орнатады, ал стандарт екі қатарлы нұсқада гибрид құрылым қалады, ол да 2 литрлі қозғалтқышқа негізделген. Ол 381 ат күшін және 637 Нм момент береді.