2021 жылы чероки халқының көсемі Jeep компаниясынан машинаны өз халқының қасиетті ұғымымен атамауды сұраған. Бренд өкілдері сол кезде нақты жауап бермей, Cherokee-ді бұрынғы атауымен шығара берді.
2023 жылы сұраныс төмендеген соң бұл модель топтамадан шықғып қалды. Ал биыл оның орнын бензинді және гибрид моторы бар орта өлшемді D сегментіндегі кроссовер басады. Марка оны қандай атаумен шығаратыны белгісіз.
Тұсаукесерге арналған құжатта машинаны уақытша New Mainstream UV (Utility Vehicle) деп атаған. Бұған дейін Stellantis үш жаңа Jeep моделін ұсынатынын хабарлаған, Carscoops басылымы әлі нақты ақпарат шықпағанына қарап, марка Cherokee атауынан бас тартуы мүмкін деп болжап отыр.
Бірақ Grand Cherokee әлі еш кедергісіз сатылып жатыр, үндістер осы модельге наразы болған. Ежелгі тұрғындардың шағымын орындау үшін бұған дейін Cleveland Indians, Washington Redskins сияқты атақты спорт командалары атауынан бас тартқанын айта кеткен жөн.
Комментариев: 0