Jaguar жаңа логотипін таныстырды

Jaguar имиджін өзгерткенін жариялап, жаңа логотипін көрсетті. Компания ресми мәлімдемесінде өзгеше ойлауға, көркемдік мәнерге және өзге маркаға ұқсамауға ұмтылғанын айтты. Толық ақпаратты Jaguar 2 желтоқсанда жариялайды. Майами өнер апталығында жаңарған брендтің алғашқы концептісі жарық көреді.

Jaguar-дың фирмалық стилінің басты элементі марканың жаңа графикалық келбеті саналады. Jaguar жазуы оңай әрі дөңгелек шрифтпен симметриялы түрде бас және кіші әріптермен жазылады. Дизайнерлер J және R әріпін шеңбер түрінде жазып, монограмма жасады.

Секіріп тұрған мысық бейнесі тегіс әрі ықшам болды. Ол көптеген көлденең жолақпен біріккен. Jaguar автомобильге логотиптің үш нұсқасын қалай пайдаланатыны белгісіз. Мүмкін кей жаңа шешім дилерлік орталықты жобалауға немесе коммуникацияға арналған шығар.

Сондай-ақ Jaguar марканың фирмалық түсі сары, қызыл және көк болатынын хабарлады. Дизайнерлер мұны тондық құрылыс блогы деп атайды, өйткені оларды араластыру арқылы кез келген басқа түс шығаруға болады.

Jaguar манифесі аудиторияға аса ұнамаған сияқты. Мысалы, көпшілік YouTube-тегі қысқа бренд-фильмді 12 жастағы қыздарға арналған сән үйінің жарнамасымен салыстырып, ешбір ерекшелігі жоқ деп сынады әрі оны жасанды интеллект жасаған деп күдіктеніп отыр.

Майамиде тұсаукесері өтетін шоукар туралы қазірше ешбір ақпарат жоқ. Концепт премиум сегменттен люкс сегментіне өтуді көздеп отырған Jaguar-дың жаңа электромобильдері қандай болатынын көрсетеді. Бірінші кезеңде үш электрокар шығады: екі қатар орны бар гранд-турер, кроссовер және седан. Алғашқы сериялы модель 2026 жылы жарық көреді.