Jaguar топтамасында F-Pace моделі ғана қалады

Automotive News Europe хабарлағандай JLR директораты Jaguar брендін оңтайландыру бойынша радикал шаралар қабылдады. Атақты бренд ұзақ уақыт бойы сауданың төмендеуінен қиындық көріп келеді. Мысалы, биыл екінші тоқсанда 15 324 «ягуар» саудаланды. JLR-дың басқа бөлімшесі шамамен 96 000 қымбат «лендровер» және «рейндж» сатты.

JLR бас директоры Адриан Марделлдің айтуынша үздік F-Pace кроссоверінен басқа барлық модель пайда әкелмейді.

1 / 5

• 
• 
• 
• 
• 

Jaguar XE

Jaguar XF

Jaguar F-Type

Jaguar E-Pace

Jaguar I-Pace

1 / 5

Концерн басшылығы 2024 жылдың аяғына дейін XE седанын, XF седанын және универсалын, F-Type купе және кабриолетін, E-Pace кроссоверін және батареялы I-Pace паркетнигін өндірістен шығару туралы шешім қабылдады.

Топтаманы осылай қысқарту тарихта ешбір автокөлік өндірушісінде болмаған.

Күзде Jaguar брендтің жаңа бейнесін көрсететін прототипті ұсынады, осылайша компания келесі буындағы Jaguar Electrified Architecture (JEA) платформасындағы бірінші электромобильге жол ашады, ол 2025 жылы саудаға шығады.

Әзірге Jaguar дилерлік орталықтары әлем бойынша босай бастайды, өйткені тек F-Pace қалады, бірақ ол ұзаққа созылмайды.