Jaguar енді өз елінде автомобиль сатпайды

2024 жылдың ортасында Jaguar түбегейлі шешім қабылдап, топтаманы өндірістен алып тастайтыны белгілі болды. F-Pace кроссовері клиенттер арасында танымал болғандықтан, топтамада уақытша қалады. Мысалы, былтыр саудаланған барлық көліктің ішінде осы кроссовер көп сатылды.

Басшылық белгілеген күн де келіп жетті. Қарашадан бастап бренд Ұлыбританияда барлық көліктің саудасын тоқтатты, ал конвейерде кейбір шетел нарығына арналған F-Pace қана қалды.

Компания марканың жаңа дәуіріне есік ашатын тұңғышын жыл аяғына дейін жұрт назарына ұсынады. Ол дизайнерлік бағытты және JEA (Jaguar Electrified Architecture) платформасын көрсететін электромобиль концептісі болады. Сериялық нұсқасы шамамен 130 мың доллар тұратын бұл автомобиль 2026 жылы жарық көреді. Ол Porsche Taycan-ның бәсекелесі атанады, ал бренд BMW, Mercedes-Benz және Audi-мен емес, Bentley мен Aston Martin сияқты брендтермен бақталасуға ниетті.