Қытайда Hunter деген атпен танымал JAC T9 пикабы Қазақстанға келді. Автомобиль 2021 жылы жарық көрген, ал былтыр рестайлингтен өткенде дизайны өзгеріп, техникалық жағынан жақсарды. Еліміздегі автосалондарда жаңарған нұсқасы саудаланады.
Ұзындығы 5.3 метр және дөңгелек базасы 3.1 метр болатын көлік 224 ат күшін және 380 Нм момент беретін 2 литрлік турбомотормен жүреді. Қозғалтқыш 8 сатылы автоматпен және толық жетек жүйесімен жұптасқан.
Пикап Flagship деп аталатын жалғыз комплектацияда қолжетімді. Жабдықтар тізімінде алты қауіпсіздік жастығы, электронды көмекшілердің стандарт жинағы, шина қысымын бақылау жүйесі, алдыңғы және артқы парктроник, айнала шолу камералары, кілтсіз ашу жүйесі, жарық пен жаңбыр сезгегі, электрлі люк, климат-бақылау, артқы әйнекті, алдыңғы орындықтарды жылытқыш, цифрлы аспаптар панелі, экраны 10.4 дюймдік медиажүйе, сымсыз қуаттағыш бар.
16.5 миллион теңге тұратын JAC T9 — топтамадағы ең қымбат пикап. T6 моделінің бағасы 14 миллионнан, ал оның заманауи және жайлы нұсқасы — T8 Pro-ның құны 15.5 миллион теңгеден басталады. «Жаңа автокөліктер» бөлімінен осы модельдің суреттерін, сипаттамасын және елдегі барлық дилердің хабарландыруын көруге болады.
Комментариев: 0