Қытайлық шағын кроссовер бұған дейін 2015, 2016 және 2017 жылдары жаңартылған болатын. Алайда алдыңғыларымен салыстырғанда, бұл жолы көлік кәдімгідей өзгерді.
Машинаға негізгі шамдары астында, ал жүріс шамдары мен екі бұрылыс көрсеткіші жоғарыда орналасқан жарық техникасы орнатылды. Салонында көп өзгеріс байқалмайды. Мұнда тек мультимедиалық кешеннің 10.25 дюймдік дисплейі ғана ерекше көзге түседі.
Кроссовердің ішкі құрылысы бұрынғыдай. Алдыңғы жетекті темір тұлпардың мотор гаммасында 115 ат күшіне ие 1.5 литрлік және 120 ат күшіне ие 1.6 литрлік екі агрегат бар. Алғашқысы тек механикамен, ал екіншісі вариатормен жұптаса жұмыс істейді.
Қытайлықтар жаңартылған JAC S3-ті биылғы шілдеден бастап ала алады, бірақ ол экспортқа шығарыла ма, жоқ па, белгісіз. Біздің нарықта әлі күнге дейін рейстайлингке дейінгі 2014 жылғы үлгідегі Қостанайда құрастырылатын нұсқасы сатылуда. Көлік бағасы 4.9 млн теңгеден басталады. Салыстырып айтар болсақ, Қытайда жаңартылған S3 9 100 долларға, яғни 3.4 млн теңгеге бағаланып отыр.
Комментариев: 0