JAC J7-нің сертификат алғанына бір айдан асқан жоқ, ал марканың ресми дилері сатылым басталғанын хабарлады.
Біздің нарықта машина Comfort және Luxury жиынтығында қолжетімді. Екеуі де 136 ат күшін беретін 1.5 литрлік турбомотормен жабдықталады. Алдыңғы жетекті көліктің қозғалтқышы механикамен не вариатормен жұмыс істейді.
Comfort нұсқасындағы машина 6.4 млн теңге тұрады, ал Luxury алуды қаласаңыз, 7.3 млн теңге санап беруге тура келеді. Базалық лифтбек алты қауіпсіздік жастығымен, дөңге шыққанда көмек беретін және круиз-бақылау жүйелерімен, жарықдиодты шамдармен, айна жылытқышпен жабдықталады. Салондағы аспаптар панелінің орнына 10.4 дюймдік планшеті мен экраны бар мультимедиа кешені орнатылады. Luxury нұсқасын кілтсіз ашуға болады, рөлі былғарымен қапталған, сонымен қатар жетілдірілген аудиожүйе мен автоматты климат-бақылау жүйесі бар.
Көліктің ұзындығы — 4.77 м, ені — 1.82, биіктігі — 1.49 м. Клиренсі 2.76 метрге тең. Дизайнын бұрын Alfa Romeo-да жұмыс істеген италиялық Даниэле Гальоне жасаған.
Қостанайда құрастырылған JAC J7 біздің елден бөлек Ресейде де сатылады. Жуырда қатарға S7 кроссовері қосылады.
Комментариев: 0