АВТОВАЗ-дың Ижевск филиалында биыл жаңарған Lada Vesta жасалуы керек еді, бірақ Украинада соғыс басталғаннан кейін конвейер тоқтап, құрастыру қарқыны төмендеді. Ал мамырдағы мерекеден бері зауыт жұмысы толық тұралап қалды.
Удмуртия басшысы Александр Бречалов қызметкерлермен кездесуде Lada Vesta шығаратын зауыт жабылмайтынын, бірақ жұмыс тоқтап тұрған кезде мамандар басқа кәсіпорынға ауысуы мүмкін екенін айтты.
«Кәсіпорын жағдайы мәз емес. Бірақ Денис Мантуровтың айтуынша Ижевскідегі зауыт ешқашан жабылмайды. Мұнда жұмыс жүретіні анық. Қазір біздің автозауытта қандай модель шығарылады, жұмыс көлемі қандай болады деген мәселе талқыланып жатыр.
Бұған біраз уақыт керек», — деп келтіреді Бречаловтың сөзін RCI News | Russian Car Industry парақшасы.
Өңірдегі ірі шендінің болжамы бойынша шетелдік компонентті алмастыратын балама тауып, «Веста» өндірісін қайта бастауға мөлшермен екі жыл кетеді.
Комментариев: 0