Италияда УАЗ-дан жасалған автоүй сатылады

Кеңес одағында жарты ғасырдан астам уақыт бұрын жасалған УАЗ-452 фургоны Италия үшін экзотика емес. Экспорт-импортпен айналысатын компаниялар 1970 жылдардың басынан жыл сайын 469 және 452 индексті жүздеген «уазикті» сол жаққа жеткізген. Иелері құрылымы қарапайым әскери жол талғамайтын көліктің жайлылығын арттырып, көбінесе УМЗ-451М моторын Peugeot-ның дизельді қозғалтқышына ауыстыратын.

1 / 5

• 
• 
• 
• 
• 

1 / 5

Апеннинге әйнексіз «буханкалар» арзан жүк фургоны ретінде жеткізіліп, жергілікті шеберханалардың күшімен өтімді автоүйге айналған. Сол үшін шеберлер шатырын кесіп, орнына шыныталшықты биік шатыр орнатқан, жатын орындармен, плитасы мен тоңазытқышы бар асүй аймағымен жабдықтаған. Кішкентай салонында кейде шағын жуынатын бөлме мен автономды жылытқышқа да орын табылатын.

Аман қалған классикалық УАЗ-дың саны азайғандықтан сату туралы хабарландыру да сирек кездеседі. Сондықтан осы UAZ Buchanka бірден көзге түсті.

1 / 5

• 
• 
• 
• 
• 

1 / 5

Италияға қоныс аударған 1980 жылғы УАЗ-452 Монца қаласында тұр және «фиаттың» 2.0 литрлік дизельді SOFIM қозғалтқышымен жабдықталған. 60 мың шақырым жүрген көліктің жылы жерде сақталмағанын шанағынан көруге болады. Құны 8 900 еуро, бірақ иесі бағасын түсіруге немесе Volkswagen T2-ге айырбастауға дайын.