Ішкі істер министрлігі елді мекенде жүк көлік жылдамдығын сағатына 50 км-ге шектеуді ұсынып отыр

Жол ережесіне енгізілген кезекті түзетулерді Әкімшілік полиция комитеті дайындады. Жоба бойынша «Жүріс жылдамдығы» деген 10-тарауды «… жүк көліктері мен автобустарға елді мекендерде сағатына 50 километрден аспайтын жылдамдықпен жүру рұқсат етіледі» деп толықтырмақшы. Әзірлеушілер жүк көлігінің қатысуымен болатын апаттар көбінесе ауыр зардапқа әкеледі және бұл норманы енгізу мұндай апаттардың санын азайтады деп мәлімдеді.

«Сағатына 50 км жылдамдықта өлім мен жарақат алу айтарлықтай төмендейді. Дүниежүзілік денсаулық сақтау ұйымының статистикасы бойынша, жылдамдықты 50 км/сағ-қа төмендету апат кезіндегі өлім ықтималдығын 25 %-ға азайтып, тірі қалу мүмкіндігін арттырады», — деп түсіндірді полиция.

Жол ережесіне жаңа жол белгілерін, сондай-ақ «Электромобиль» белгісін, жаңа таңба мен бағдаршам белгісін енгізу жоспарланып отыр.

1 / 3

• 
• 
• 

1 / 3

Ережеде көрсетілген жол диспетчерінің «киімін ауыстырмақшы».