Ирландияда жаңа BMW M5 ескі M3-тен арзан

BMW жаңа буындағы M5 суперседанын өндіре бастады. Автомобиль дилерге қарашаның басында ғана жетеді, бірақ оған дейін бағасы белгілі болды. Еуропа елдерінің көбінде жаңа өнімнің құны модель иерархиясына сәйкес келеді, ал Ирландияда M5 шағын әрі қуаты аз M3-тен арзан болады. Бұған елдегі машинадан шығатын зиян газ мөлшеріне байланысты салынатын көлік салығы әсер еткен.

Ирландияда Vehicle Registration Tax (VRT — автомобильді тіркеу салығы) белгілі бір модельдің CO2 шығарындысына байланысты 7–37 % болады. Жаңа M5 электрлі күштік құрылыммен жүреді, BMW машинадан бір километрде 37 грамм СО2 шығатынын тіркеген, соның арқасында седанға ең төменгі мөлшерде салық салады.

BMW M3-тің алты цилиндрлі моторынан 228 г/км CO2 шығады, Ирландия заңы бойынша зиян газ мөлшері 190 г/км-ден асатын автомобильге ең жоғары мөлшерде салық салынады. Сол себепті елде BMW M3 кем дегенде 151.6 мың еуро тұрады, ал M5-тің бағасы 137 мың еуродан басталады. Кіші эмка марканың флагманы BMW M760e xDrive-тан (149 ммың еуро) да қымбат.

Ирландия — автомобиль қымбат елдердің бірі. Мысалы, BMW M5 АҚШ-та 120 мың доллар тұрады. Суперседанның жаңа буыны 727 ат күші мен 1000 Нм беретін бензинді V8 бен электромотордан тұратын күштік құрылыммен жүреді, салмағы 2.5 тонна машина алғашқы жүздікті 3.5 секундта еңсереді.