Ірі Dongfeng-тен жасалған кемпер

Dongfeng Warrior M20 қазір жүк көлігі шассиі және жол талғамайтын көлік ретінде қолданылып жүр. Компания оның үшінші түрленімі — Antarctic 4WD Off-Road RV деп аталатын дөңгелекті үйді таныстырды. Дөңгелек базасы 3.7 метр болатын Warrior M20 негізінде төрт адамға арналған кемпер жасалды, ол табиғат аясында өмір сүруге керек болатын құралдармен толық жабдықталған.

1 / 5

• 
• 
• 
• 
• 

1 / 5

Негізгі жатын орын жол талғамайтын көлік кабинасының үстіндегі қондырма ішінде орналасқан. Ол — өлшемі 2×1.3 м болатын екі кісіге арналған кереует. Ас ішетін орынды көлденеңінен жайып, екінші жатын орын ретінде пайдалануға болады, ондағы дивандар электрмен реттеледі. Адам тұруға арналған бөлмеде жеке ауа баптағыш пен үлкен теледидар бар.

Кемпердің ас үй бөлігінде электр плита мен ыстық су ағатын қол жуатын орын бар. Мамандар көлік ішіне душы бар жеке тазалық бөлмесін жасапты, шанағына жиналатын тент орнатқан.

1 / 4

• 
• 
• 
• 

1 / 4

Жаңа өнім стандарт M20 сияқты 6.7 литрлік дизельді мотормен жабдықталған, бірақ дөңгелекті үйде қозғалтқыш қуаты сәл артып, 320 ат күшіне (1200 Нм) жетеді. Ол 6 сатылы автоматпен жұмыс істейді. Экспедицияға арналған Warrior M20 тереңдігі 850 миллиметр су мен биіктігі 400 миллиметр кедергіден өте алады.

Мұндай M20-ның және стандарт жол талғамайтын көліктің бағасы қанша болатыны қазірше белгісіз. Бірақ 300 мың юаньнан (20 млн теңгеге жуық) басталады деген болжам бар.