«Рольф» IKCO (Iran Khodro) маркасының ресми дистрибьюторы атанғанын мәлімдеді. Компания бастапқыда 1.6 литрлік мотормен жүретін үш седан сатады.
Топтамадағы флагман — Peugeot 301-мен бір платформа бөлісетін Tara седаны. Ол 113 ат күшіне ие 1.6 литрлік қозғалтқышпен жабдықталады. Агрегат 5 сатылы механикамен не 6 диапазонды автоматпен жұмыс істейді. Жабдықтар тізімінде екі қауіпсіздік жастығы, ауа баптағыш, круиз-бақылау және медиажүйе бар.
Soren мен Dena 2000 жылдары жарық көрген Samand моделінің жақсарған түрі саналады, ал ол кезінде Peugeot 405 платформасына негізделген. Ресми мәлімет бойынша екі көлік те 1.6 литрлік мотормен жүреді, бірақ IKCO Soren-нің жабдықтары арасында автомат қорап жоқ.
«Рольф» машиналарды сатып алуға болады деп жазыпты, алайда онлайн-каталогта IKCO маркасы туралы ақпарат берілмеген. Көліктердің Ресейге қалай жеткені, сертификат алған-алмағаны да белгісіз.
Біраз уақыт бұрын «Бест Моторс» компаниясы көрші ел тұрғындарына Saipa брендін ұсынатыны белгілі болды. Бірақ Saipa көліктері арзанырақ болатын сияқты, өйткені IKCO автомобильдері біршама жақсы жабдықталған және ірілеу.
Комментариев: 0