Иран көліктері Ресейдегі бұрынғы неміс зауытынан шығады

Бұл мәліметті ТАСС хабарлады. Басылым Ресейдегі SAIPA концернінің дистрибьюторы атанған «Бест-Моторс» басшысының сөзін негізге алған.

Компания ирандық автомобильдерді қайда құрастыруды жоспарлап отыр деген сұраққа «Бест Моторстың» стратегиялық даму бойынша директоры Евгений Чижов «Шушары» өнеркәсіп аймағында. Онда бұрын MAN жүк көліктерін құрастырған", — деп жауап берген.

MAN зауыты 2013 жылдан 2022 жылға дейін жұмыс істеді. Мұндағы мамандар MAN және Scania жүк көліктерін ірі торапты әдіспен құрастыратын. Ресей Украинаға басып кіргеннен кейін кәсіпорын жабылып қалды. Былтыр желтоқсанда зауыт басқа активтерімен бірге компания дилерлерінің біріне сатылды. Қазір сол дилермен Иран машиналарын құрастыру туралы келіссөз жүріп жатқан сияқты.

SAIPA көрші ел нарығына 1 маусымда шығады. Марка клиенттеріне үш модель: Shahin және Saina седандары мен Quik кросс-хетчін ұсынады. Бағасы 1-1.7 млн рубль шамасында болады.