QX55 индексті модель 2020 жылы жарық көрген, бірақ Қазақстанға бір жыл кешігіп, биыл күзде жетеді. QX55 — QX50-дің модификациясы, бірақ ол купе-кроссовер саналады, артқы жағы көлбеу және дөңгеленген, ал қабырғасы бедерлі.
Кроссовер 249 ат күшіне ие (380 Нм) 2 литрлік VC-Turbo моторымен жабдықталған. Ол Jatco вариаторымен және көп дискілі муфта арқылы қосылатын толық жетекті жүйемен жұмыс істейді.
Infiniti QX55 Қазақстанда төрт комплектацияда сатылады: Luxe, Essential, Essential ProAssist және Essential ProActive. Көліктің базалық нұсқасында сегіз қауіпсіздік жастығы, бірқатар электронды көмекші, толықтай жарықдиодты оптика, екі аймақты климат-бақылау, жүксалғыш есігінің электр жетегі және Apple CarPlay, Android Auto-мен жұмыс істейтін мультимедиа кешені бар. 20 дюймдік диск орнатылған мұндай кроссовер 23.5 млн теңге тұрады.
Ең қымбат нұсқасы Essential ProActive деп аталады. Мұндай QX55 матрицалы шам, проекциялық дисплей және үш аймақты климат-бақылаумен жабдықталған. Кроссовердің салоны таза былғарымен қапталады. Ал электронды көмекшілер тізімінде ақылды круиз-бақылау, жолақта ұстау, жол белгілерін анықтау, көрінбейтін аймақты бақылау және автоматты тежеу жүйелері бар. Infiniti QX 55 Essential ProActive 26.6 миллион теңгеге бағаланып отыр.
Комментариев: 0